Sizin reklam burada

FİFA DÇ üçün təşkilatçı tapmır

Baxış Sayı:537

FİFA DÇ üçün təşkilatçı tapmır
Bilindiyi kimi, 2020-ci ildə futzal üzrə növbəti dünya çempionatı olacaq. Amma hələ FİFA təşkilatçı ölkəni müəyyənləşdirməyib. Ötən ilin əvvəlində beynəlxalq qurum mundialın təşkilatçılığına 13 namizədin olduğunu açıqlamışdı. Təşkilat həmçinin son seçimin 2016-cı ilin dekabrında elan olunacağını bildirmişdi. Ancaq payızda planda dəyişiklik edildi və yeni qərar verildi. Elan edildi ki, təşkilatçı ölkə 2017-nin yanvarında bəlli olacaq. Ancaq bu variant da baş tutmadı və üstündən 6 aydan çox vaxt ötməsinə baxmayaraq, hələ də qeyri-müəyyənlikdi. Ən maraqlısı odu ki, FİFA indiyə qədər namizədlərin rəsmi siyahısını açıqlamayıb. Qeyri-rəsmi mənbələrə əsaslansaq, təşkilatçılıq hüququ ilə bağlı 8 ölkənin adı hallanır: Kosta Rika, BƏƏ, İran, Yaponiya, Litva, Yeni Zelandiya, Xorvatiya və Qazaxıstan. Futzal ənənələrini nəzərə alsaq, Yeni Zelandiya ilə Litvanın mundiala evsahibliyi etmək şansı minimuma bərabərdi. Bundan başqa, FİFA özünün qitələrin növbəlilik prinsipinə əməl edəcəyi halda, Kosta Rikanın namizədliyi də arxa plana keçəcək. Çünki DÇ-nin son təşkilatçısı da Amerika qitəsindən olan Kolumbiya olub. FİFA-dan verilən ən son məlumata görə, DÇ-2020-nin ev sahibi 2017-ci ilin dekabrında açıqlanacaq. Belədə isə mundiala hazırlıq üçün vaxt az olacaq. İndiki məqamda mövcud infrastrukturuna görə Yaponiya favorit sayıla bilər. Bu ölkənin isə İran və BƏƏ ilə rəqabət aparacağı gözlənilir.
MİRAĞA

Oxşar xəbərlər
SON XƏBƏRLƏR