İdman dünyası Ukraynaya dəstək verməkdə davam edir.

Bu dəstək və birlik nümunəsi böyük alqış toplasa da, ''Arsenal''ın ikili standartlar tətbiq etməsi və sözləri ilə davranışlarının üst-üstə düşməməsi diqqət çəkib. Premyer-liqanın son turunda ''Uotford''la qarşılaşan ''Arsenal''ın sosial şəbəkələrdəki bütün rəsmi səhifələri oyundan öncə Ukraynaya dəstək olaraq bu ölkənin bayrağının şəklini ''football stands together'' sözü ilə paylaşıblar. Bir çoxları unutsa da, Məsut Özil 2019-da uyğurların Sincanda çinlilər tərəfindən təcavüzə və haqsızlığa məruz qalmasına etiraz edən paylaşım edərkən ''Arsenal'' öz oyunçusuna dəstək verməmişdi. Bu məqamı ünlü ''Associated Press'' nəşrinin əməkdaşı Rob Harris gündəmə gətirib. O, ''Arsenal''ın son paylaşımına cavab olaraq bunları yazib:

''2019-da Özilin paylaşımına dəstək verməmişdiz. O vaxt ''siyasətə qarışmamaq prinsipinə sadiq qalırıq'' deyən siz idiz, indi də Ukraynaya dəstək verən sizsiniz''. Xatırladaq ki, məhşur futbolçunun 2019-un dekabrındakı paylaşımı böyük ajiotaja səbəb olmuşdu. Premyer-liqaya güclü maddi dəstək verən ölkələrdən olan Çin Məsutdan üz döndərmiş, eləcə də ''Arsenal''ın bəzi matçlarını yayınlamaqdan imtina etmişdi. Əl-ayağa düşən klub rəhbərliyi bunun futbolçunun şəxsi mövqeyi olduğunu bildirərək siyasətə qarışmadığını açıqlamışdı. Bu hadisədən sonra Özilin klubda qara günləri başladı. Həm bu məsələ, həm də pandemiya dönəmində maaşının azaldılmasına razı olmamaqla rəhbərliklə, eləcə də baş məşqi Mikel Arteta ilə uzun müddət problem yaşayan Özil 2021-in qışında ''Fənərbaxça''ya keçmişdi.