Ötən həftə Region Liqasında növbəti turun oyunları keçirilib.

Bununla da 2 regionda pley-offa vəsiqə qazanan komandaların adı məlum olub.
Qrup mərhələsi çərçivəsində baş tutan son tur Şimal-Qərb və Qərb regionunda komandaların turnir cədvəlindəki möveyinə təsir göstərməyib. "Energetik", "Karvan" və "Ağstafa" ilk 3 pillənin sahibi kimi pley-offa yüksəlib. Mingəçevirlilər martın 6-da “doğma divarlar” arasında “Karvan”ı məyus etməklə azarkeşlərini növbəti dəfə sevindirib. Bununla da "Energetik" qrupu məğlubiyyətsiz, cəmi 1 heç-heçəylə başa vurub.

Mərkəz zonasında, gözlənldiyi kimi, pley-offa vəsiqə qazananlar "Füzuli", "Ağsu Siti" və "İmişli" olub. Sadəcə, imişlililər son turda evdə "Füzuli"ni məğlub edə bilmədiyindən, 2-ci pilləni ağsululara təhvil verib. Amma qazanılan 1 xal "Araz"ı qabaqlamağa yetərli olub.

Onu da bildirək ki, ilk olaraq bitən Cənub zonasından "Xan Lənkəran", "Astara" və "Ümid" qrupdan çıxıb. Paytaxt və Şimal zonasının A qrupunun qalibi "Qusar" mübarizəni davam etdirəcək. Bu qrupda 2-ci pilləni tutan "Şirvanovka"nı pley-offa vəsiqə uğrunda keçid matçları gözləyir. Rəqib Paytaxt və Şimal zonasında B qrupunda 2-ci yeri tutacaq komanda olacaq. Quba “Şahdağ”ının “Cəbrayıl” ilə oyuna çıxmadığını və mövsümdə ikinci belə hal yaşandığını nəzərə alsaq, qubalılar çempionatdan kənarlaşdırılacaq. Belədə “Davam” üçün “yaşıl işıq” yanacaq.

Şimal-Qərb, Qərb regionu
Göyəzən (Qazax) - Gəncə 2:0
Ağstafa - Şəki 6:4
Energetik (Mingəçevir) – Karvan (Yevlax) 2:1
1. Energetik 12 11 1 0 26-6 34
2. Karvan 12 8 1 3 31-19 25
3. Ağstafa 12 7 2 3 40-23 23
4. Göyəzən 12 4 2 6 24-30 14
5. Şəki 12 2 3 7 23-34 9
6. Qoşqar UGİM-2 12 1 5 6 17-28 8
7. Gəncə 12 1 2 9 16-37 5
Bombardirlər: Elgün Namazov (Ağstafa) – 17, İsmayıl İsmayılov (Ağstafa), Arzuman Vəliyev (Göyəzən) – 12.

Mərkəz regionu
Ağsu Siti - İsmayıllı 4:1
İmişli - Füzuli 0:0
Araz (Saatlı) – Mil (Beyləqan) 5:2
1. Füzuli 10 6 3 1 15-5 21
2. Ağsu Siti 10 5 4 1 37-18 19
3. İmişli 10 5 3 2 18-19 18
4. Araz 10 5 2 3 23-18 17
5. Mil 10 0 4 6 14-28 4
6. İsmayıllı 10 0 2 8 8-27 2
Bombardirlər: Ramil Orucov (Ağsu Siti) - 13, Bayram Əliyev ( Araz) – 9, Rəmzi Eminli (Ağsu Siti) – 8.

Paytaxt və Şimal regionu
İrəvan (Bakı) – Davam (Bakı) 0:3
Şahdağ (Quba) - Cəbrayıl (oyun keçirilməyib)
A qrupu
1. Qusar 8 8 0 0 46-2 24
2. Şirvanovka 8 6 0 2 30-9 18
3. Mübariz 8 4 0 4 27-37 12
4. İCBFA 8 2 0 6 17-33 6
5. Dirçəliş 8 0 0 8 8-47 0
Bombardirlər: Tural Cəlilov (Qusar) – 12, Firudin Ağalarov (Qusar), Cəfər Şahməmmədov (Mübariz) – 8.
B qrupu
1. Şahdağ 4 4 0 0 18-2 12
2. Cəbrayıl 5 3 1 1 46-5 10
3. Davam 5 1 1 3 6-28 4
4. İrəvan 6 1 0 5 6-41 3
Bombardirlər: Nurxan Həsənov (Cəbrayıl) – 16, Tapdıq Əhmədov (Cəbrayıl) – 11.

Cənub regionu
1. Xan Lənkəran 8 7 1 0 44-5 22
2. Astara 8 6 1 1 14-5 19
3. Ümid(Cəlilabad) 8 3 1 4 10-14 10
4. Ərkivan(Masallı) 8 1 1 6 8 39 4
5. Qobustan 8 1 0 7 6-19 3
Bombardirlər: Röyal Nəcəfov (Xan Lənkəran) – 10, Zaur Nuruzadə (Xan Lənkəran) – 8.

RƏŞAD