"Əsl, bol qollu futbol alındı" - Qurban Qurbanov
Ölkə çempionatında 18-ci tura "Qarabağ" - "Qəbələ" oyunu ilə yekun vuruldu.
"Football-plus.az" saytının məlumatına görə, turun mərkəzi qarşılaşmasında qalib tərəf 5:1 hesabı ilə Qurban Qurbanovun komandası olub.
Matçdan sonra baş tutan mətbuat konfransında təcrübəli mütəxəssis oyun haqda fikirlərini bildirib:"Çox danışmayacam. Futbolçularımı təbrik edirəm. Rəqibə uğurlar arzulayıram, yaxşı komandadı. Möhtəşəm azarkeşlərimizə təşəkkür edirəm. Çoxdandı ki, bu arenada oynamamışdıq. Hamı üçün xoş oyun oldu. Əsl, bol qollu futbol alındı. Elmara uğurlar arzulayıram".
