“Mançester Siti” “Mançester Yunayted”ə qarşı derbiyə itkilərlə çıxacaq.

Müdafiəçilər Ruben Diaş ilə Natan Ake İngiltərə premyer-liqasının 28-ci turunda keçiriləcək matçı buraxacaqlar. Bu barədə komandanın baş məşqçisi Xosep Qvardiola məlumat verib. İspaniyalı mütəxəssis oyunçuların zədə səbəbindən Mançester derbisində iştirak etməyəcəklərini bildirib.

Diaş ilə Ake İngiltərə kubokunun “Peterboro” ilə oyununda (2:0) zədələniblər. Xatırladaq ki, MS - MY oyunu bu gün keçiriləcək və Bakı vaxtı ilə saat 20.30-da başlayacaq.