"Barselona" Dortmund "Borussiya"sında çıxış edən Erlinq Holanna 5 illik müqavilə təklif edib.

Kataloniya təmsilçisinin prezidenti Xuan Laporta norveçli hücumçunun agenti Mino Rayola ilə görüşdə qarşı tərəfi bu barədə məlumatlandırıb. 22 yaşlı forvard La Liqa klubunda oynamağa razılıq versə, ümumi qazancı 195 milyon avro olacaq. Onun illik gəliri müvafiq olaraq 20, 30, 40, 50 və 55 milyon avro təşkil edəcək.

Artıq “Barsa"nın baş məşqçisi Xavi də Holann ilə görüşüb. Münhen şəhərində baş tutan görüşdə 22 yaşlı hücumçunun Kataloniya təmsilçisinə mümkün keçidi müzakirə olunub. Toplantıda klubun idman məsləhətçisi Yordi Kroyff da iştirak edib. Norveçli forvard zədəsini sağaltmaq üçün hazırda Münhendədi. Yeri gəlmişkən, "Real" və “Mançester Siti" də Holannın transferində maraqlıdı.

Qeyd edək ki, norveçli bu mövsüm "Borussiya"nın heyətində keçirdiyi 14 oyunda 16 qol və 5 məhsuldar ötürmə ilə yadda qalıb.