Yeni “transfer pəncərəsi”?
UEFA hazırda Rusiya və Ukrayna klublarını tərk etmək istəyən futbolçular üçün “transfer pəncərəsi” də aça bilər.
Polşa Futbol İttifaqı bu məsələyə yardım etməsi məqsədilə qitə futbol qurumuna müraciət edib. Müraciətdə qeyd edilib ki, hazırda “transfer pəncərəsi” bağlı olduğundan polşalı oyunçular Rusiya klublarını tərk edə bilmirlər. UEFA-nın prezidenti Aleksander Çeferin bu haqda fikrini “The Guardian” nəşrinə bildirib:
“Münaqişə bölgəsində qalmaq istəməyən oyunçular və məşqçilər məndən kömək istəyirlər. Bu məsələni yoluna qoymaq üçün əlimizdən gələni edirik. Ümid edirəm ki, futbol dünyaya təsir göstərə və problemin həllinə yardım edə biləcək. İndiki vəziyyətdə isə ona söz verə bilərəm ki, işğalçıya qarşı tətbiq olunan sanksiyaların ləğvi ehtimalı yoxdu”.
