Cokoviç “Rolan Qarros”a qatıla biləcək?
Dünyanın ikinci raketkası Novak Cokoviç “Rolan Qarros”da çıxış edə biləcək.
Martın 14-dən Fransada kovid-pasportun ləğvi planlaşdırılır, yəni bundan sonra stadionlara və başqa ictimai yerlərə baş çəkmək istəyən şəxslər peyvənd olunmaq tələbi ilə üzləşməyəcək. Odu ki, peyvənd olunmayan serb tennisçi turnirdə oynaya bilər. Cokoviçin həmçinin aprelin 9-17-si aralığında Monte-Karloda keçiriləcək “Masters” seriyalı turnirə də qatılması mümkündü. “Rolan Qarros” isə 22 may – 5 iyun aralığında Parisdə keçiriləcək. Bildiyiniz kimi, Cokoviç bu turnirin son qalibidi.
Bu arada Cokoviçin sabiq məşqçisi Maryan Vayda tennisçinin ötən il keçirilən Tokio Olimpiadasına qatılmasının əleyhinə olduğunu bildirib:
“Novakın Olimpiadaya yollanmasının əleyhinəydim. Nəticədə “US Open”in finalı üçün gücü qalmamışdı. Tokio Olimpiadası mental və fiziki cəhəhdən Novakın “suyunu çıxarmışdı. Ancaq anlayıram ki, Novak nəyə can atırdı. O, Serbiya üçün “qızıl” qazanmağı çox istəyirdi”.
Xəbər verdiyimiz kimi, Cokoviç martın 1-də Vayda ilə vidalaşıb.
