"Oyunun çətin keçəcəyini bilirdik" - Azər Salahlı
Premyer-liqanın 17-ci turu çərçivəsində "Neftçi" "Səbail"ı qəbul edib - 2:0.
"Football-plus.az" saytının məlumatına görə, ev sahibi komandasının futbolçusu Azər Salahlı oyundan sonra mətbuat konfransında iştirak edib. Oyunçu görüş haqda bunları deyib:
"Oyunun çətin keçəcəyini bilirdik. “Səbail” yaxşı müdafiə olunur. İkinci hissədə qollar vurub qələbə qazandıq. Qələbədə pay sahibi olduğum üçün çox şadam".
- “Neftçi”də ilk qolunu vurdun...
- Bəli. Buna görə sevinirəm. İstəyirəm ki, üzərimdə çox çalışıb qollarımın sayını artırım.
- Hər dəfə Lavalla eyni cinahda oynayırdın. Bu gün o, yox idi. Hansı oyunçu ilə oynamaq sənin üçün daha rahatdır?
- Fərqi yoxdu. Məşqçinin bizdən tələbi eynidi.
