Azarkeşlər "Cücələrim" və "Kəndimiz" mahnılarını oxuyaraq futbolçulara etiraz edib - AÇIQLAMA
Premyer-liqanın 17-ci turunda "Keşlə" "Qarabağ"la heç-heçə etdi - 0:0.
Oyun zamanı meydan sahiblərinin əsas azarkeş dəstəkçisi olan “Old Wolf”un üzvləri qəribə şüarlarla diqqəti çəkirdilər.
Onlar əvvəlcə “Cücələrim”, daha sonra “Kəndimiz” mahnısını oxudular. Bunun səbəbini fanklubun rəhbəri Elnur Yusifovdan soruşduq:
“Yəqin “quşlar, quşlar, nə gözəl oxuyur” şüarımızı nəzərdə tutursuz. Oyunçularımız görüş ərzində topu qapıdan yuxarı vururdular. Azarkeşlərimiz də buna belə etiraz edirdilər. Yəni quş vururdular (gülür). Uşaqlardı da, qeyri-adi nəsə yox idi. Özünüz bilirsiz ki, komanda yaxşı oyun göstərmir. Bu səbəbdən də uşaqlarda sönüklük var. Hamı kefsizdi ki, qələbə yoxdu, xal qazana bilmirik. 2022-ci ildə 1 qol vurmuşuq. “Neftçi” ilə görüşdə fərqlənə bilmişik. Buna görə də azarkeşlərin kefi yoxdu. Sırf həvəs yaransın deyə bəzi üzvlərimiz həmin şüarları səsləndirməyə başladılar”.
İLKİN SULTANLI
