MHL-də son üç gündə keçirilən oyunlarla bağlı çoxlu maraqlı məqam bar.

“Vaşinqton”un kapitanı Aleksandr Oveçkin “Filadelfiya” ilə oyunda buz üzərinə çıxmaqla liqada oyun sayını 1249-a çatdırdı. Rusiyalılar arasında oyun sayına görə Sergey Fyodorovu arxada qoyan Oveçkin hazırda bu göstəricidə 3-cü yerdə qərarlaşıb. Onu yalnız Aleksey Kovalyov (1316) və Sergey Qonçar (1301) qabaqlayır.

Fevralın 27-də “Neşvill” – “Tampa-Bey” oyunu açıq havada keçirildi. Qonaqların 3:2 hesabıyla qalib gəldiyi oyunu 68619 tamaşaçı izlədi. Bu oyun azarkeş sayına görə hokkey tarixində ilk “10-luğ”a düşdü.

“Detroyt” – “Toronto” oyunu (7:10) isə başqa səbəbdən tarixdə yer alacaq. İş ondakı ki, komandalar birlikdə 17 qol vurmaqla 2011-ci il oktyabrın 27-də keçirilən “Vinnipeq” – “Filadelfiya” (9:8) oyunundakı rekordu təkrarladı. MHL-də bundan daha artıq – 18 qol isə sonuncu dəfə 1996-cı il yanvarın 13-də vurulub. Həmin gün “San-Xose” “Pittsburq”a qalib gəlib (10:8).

Bu arada Stenli kubokunun ikiqat qalibi Dominik Qaşek MHL rəhbərliyinə çağırış edib. Çexiyalı əfsanə Ukraynaya təzavüzə görə rusiyalı hokkeyçilərin müqaviləsinin dayandırılmasını istəyib: “MHL dərhal bütün rusiyalı hokkeyçilərin müqavilələrini pozmalıdı! Hər bir idmançı yalnız özünü və klubunu yox, həm də ölkəsini, onun dəyərlərini və fəaliyyətini təmsil edir. Bu faktdı”.

26 fevral
Karolina – Kolambus 4:0 (0:0, 2:0, 2:0)
Sent-Luis – Baffalo 5:3 (2:1, 1:1, 2:1)
Çikaqo – Nyu-Cersi 8:5 (1:2, 3:1, 4:2)
Kolorado – Vinnipeq 6:3 (0:3, 3:0, 3:0)
Arizona – Veqas 3:1 (0:0, 1:1, 2:0)
Anahaym – Los-Anceles 1:4 (0:1, 0:3, 1:0)
Filadelfiya – Vaşinqton 2:1 (2:0, 0:1, 0:0)
Florida – Edmonton 3:4 (2:1, 0:3, 1:0)
Pittsburq – Reyncers 1:0 (0:0, 0:0, 1:0)

27 fevral
Ottava – Monreal 1:2 (0:1, 1:1, 0:0)
Neşvill – Tampa-Bey 2:3 (1:0, 0:2, 1:1)
Detroyt – Toronto 7:10 (1:3, 1:4, 5:3)
Veqas – Kolorado 2:3 (2:1, 0:0, 0:2)
Kalqari – Minnesota 7:3 (3:1, 2:0, 2:2)
San-Xose – Boston 1:3 (0:1, 1:0, 0:2)
Los-Anceles – Aylenders 5:2 (2:0, 2:1, 1:1)
Karolina – Edmonton 2:1 (2:0, 0:1, 0:0)
Dallas – Baffalo 4:2 (1:0, 2:1, 1:1)
Çikaqo – Sent-Luis 0:4 (0:0, 0:3, 0:1)
Arizona – Vinnipeq 3:5 (2:2, 1:0, 0:3)

28 fevral
Kolambus – Pittsburq 2:3 (1:1, 1:0, 0:2)
Reyncers – Vankuver 2:5 (0:2, 0:2, 2:1)
Anahaym – Aylenders 0:4 (0:1, 0:1, 0:2)
San-Xose – Sietl 3:1 (1:1, 1:0, 1:0)