Bilindiyi kimi, UEFA cari avrokubok mövsümündən səfər qolu qaydasını ləğv edib.

Artıq İtaliyada da eyni qaydanın ləğvinə qərar verilib. Məlum olduğu kimi, yenilik ölkə kuboku uğrunda oyunlarda tətbiq olunacaq. Qeyd edək ki, İtaliya klub futbolunda səfər qolu qaydası 1965-ci ildən qüvvədədi. Bu qayda bu il sonuncu dəfə ölkə kubokunun yarımfinal matçlarında nəzərə alınacaq.
Yeri gəlmişkən, bu mərhələdə “Milan”la “İnter” və “Fiorentina” ilə “Yuventus” qarşılaşacaq. Yarımfinalın ilk oyunları martın 1-2-də, cavab görüşləri isə aprelin 20-21-də keçiriləcək.