Region Liqasında növbəti turun qarşılaşmaları keçirilib.

Geridə qalan oyun həftəsində Mərkəz, Şimal-Qərb və Qərb, Paytaxt və Şimal regionunda olan azarkeşlər dəstəklədikləri komandaların matçlarını izləyiblər.

Mərkəz regionu
Mərkəz regionunda pley-offa yüksəlmək üçün gərgin mübarizə gedir. Hesabat həftəsində hazırda 3-cü pillədə qərarlaşan “Ağsu Siti” səfərdə “Mil”lə qarşılaşıb. Qış fasiləsində heyətini gücləndirən ağsulular Beyləqan səfərindən əlidolu dönüblər. Ötən tur səfərdə qrupun lideri “Füzuli”yə minimal hesabla uduzan Beyləqan təmsilçisinin “Ağsu Siti” ilə görüşdə azarkeşlərini sevindirəcəyini gözləmək olardı. Ancaq qonaqlar özlərini heç də qonaq kimi aparmayaraq meydan sahiblərini 5 dəfə meydanın mərkəzinə dəvət ediblər. Beyləqanlılar buraxılan qollardan yalnız birinin əvəzini çıxmağı bacarıblar. Bu tur “Füzuli”nin “doğma divarlar” arasında “Araz”a uduzmasını sensasiya kimi dəyərləndirmək olar. “İmişli” isə səfərdə “İsmayıllı”nı məğlub etməklə ikinci pillədəki yerini qoruyub.

Mil (Beyləqan) - Ağsu Siti 1:5
Füzuli - Araz (Saatlı) 0:1
İsmayıllı – İmişli 0:2
1. Füzuli 9 6 2 1 15-5 20
2. İmişli 9 5 2 2 18-19 17
3. Ağsu Siti 9 4 4 1 33-17 16
4. Saatlı 9 4 2 3 18-16 14
5. Mil 9 0 4 5 12-23 4
6. İsmayıllı 9 0 2 7 7-23 2

Bombardirlər: Rəmzi Eminli (Ağsu Siti) – 7, Bayram Əliyev (Saatlı), Ramil Orucov (Ağsu Siti) - 6 .

Şimal-Qərb, Qərb regionu
Bu regionda baş tutan qarşılaşmalarda “Energetik”in Şəki səfərindən 3 xalla dönəcəyi gözlənilirdi ki, belə də olub. Lider çətinliklə də olsa, “halvaçılar”ın məskənində 3 xal qazanmağı bacarıb. “Göyəzən”in uzun fasilədən sonra azarkeşlərini sevindirməsini vurğulamaq lazımdı. Elxan Muradovun çalışdırdığı komanda səfərdə “Qoşqa UGİM-2”yə məğlubiyyət acısı yaşadıb. Qazax təmsilçisi kimi səfərdə oynayan “Ağstafa”nın xal itirməsini də turun sürprizi kimi qəbul etmək mümkündü. Rayonun eyniadlı komandası “Gəncə” ilə “sülh bağlayıb”.
Qoşqar UGİM-2 (Gəncə) - Göyəzən (Qazax) 1:2
Gəncə - Ağstafa 3:3
Şəki – Energetik (Mingəçevir) 2:3
1. Energetik 11 10 1 0 24-5 31
2. Karvan 11 8 1 2 30-17 25
3. Ağstafa 11 6 2 3 34-19 20
4. Göyəzən 11 3 2 6 22-30 11
5. Şəki 11 2 3 6 19-28 9
6. Qoşqar UGİM-2 12 1 5 6 17-28 8
7. Gəncə 11 1 2 8 16-35 5
Bombardirlər: Elgün Namazov (Ağstafa) – 13, İsmayıl İsmayılov (Ağstafa) – 12.

Paytaxt və Şimal regionu
Region Liqasını qazanmağa iddialıların çıxış etdiyi zonada A qrupunda iki qarşılaşma baş tutub. “Qusar”ın təqvim üzrə məcburi istirahət etdiyi həftədə “Şirvanovka” İCBFA-nı böyük hesabla yenib. “Mübariz” isə “Dirçəliş”i evə əliboş yola salıb.
A qrupu
Şirvanovka (Qusar) - İCBFA (Bakı) 7:0
Mübariz (Ceyranbatan) – Dirçəliş (Bakı) 5:3
1. Qusar 8 8 0 0 46-2 24
2. Şirvanovka 8 6 0 2 30-9 18
3. Mübariz 8 4 0 4 27-37 12
4. İCBFA 8 2 0 6 17-33 6
5. Dirçəliş 8 0 0 8 8-47 0
Bombardirlər: Tural Cəlilov (Qusar) – 12, Firudin Ağalarov (Qusar), Cəfər Şahməmmədov (Mübariz) – 8.

RƏŞAD