“Sabah” nəyi gözləyir? - AÇIQLAMA
Ötən həftə baş tutan AFFA İntizam Komitəsinin iclasında "Sabah"ın 23 min 600 manat cərimələndiyini diqqətinizə çatdırmışdıq.
Buna səbəb Masazır təmsilçisinin Azərbaycan kubokunun 1/4 finalının "Neftçi" ilə cavab matçında yaşadığı qalmaqalda futbolçuların və baş məşqçi Murad Musayevin göstərdiyi sərt reaksiyalardı. İclasdan artıq 4 gün keçib. Görəsən, "tələbələr" qərarla bağlı apellyasiya şikayəti verəcək?
Bununla bağlı məlumat almaq üçün "Sabah"ın mətbuat xidmətinin rəhbəri Elnur Həmidovla əlaqə saxladıq. Klub rəsmisinin “Football-plus.az” saytına açıqlaması belə oldu:"Bu məsələ klub daxilində müzakirə olunaraq müvafiq qərar veriləcək. Bildiyiniz kimi, İntizam Komitəsinin iclasından sonra 15 gün ərzində apellyasiya üçün müraciət edə bilərik".
SƏNƏM FƏRHADOVA
