"Komandanın çıxışından razıyam" - Elmar Baxşıyev
Ölkə çempionatının 17-ci turu çərçivəsində "Qəbələ" səfərdə "Sumqayıt"ı 4:0 hesabı ilə məğlub edib.
"Football-plus.az" saytının məlumatına görə, matçdan sonra baş tutan mətbuat konfransında qonaqların baş məşqçisi Elmar Baxşıyev qələbə ilə bağlı fikirlərini bildirib:"Bilirdik ki, çətin səfər oyunu olacaq. “Sumqayıt” sonuncu pillələrdə olsa da, yaxşı futbolçuların cəmləşdiyi kollektivdi. Komandanı ağır oyuna hazırlamışdıq. İlk dəqiqələrdən dinamik və istədiyimiz oyunu oynadıq. Ümumi götürsək, komandanın çıxışından razıyam. İnanıram ki, qarşıdakı oyunlarda daha da məzmunlu futbol göstərəcəyik”.
