İspaniya çempionatında bir nömrəli derbi sayılan matçın vaxtı müəyyənləşib.

Buna La Liqanın saytı aydınlıq gətirib. “Real” – “Barselona” matçı martın 20-nə təyin olunub. La Liqanın 29-cu turunun prinsipial oyunu Madriddə Bakı vaxtı ilə saat 00.00-da başlayacaq. Əzəli rəqiblər arasında cari mövsümün ilk görüşü “Barselona”nın ötən il oktyabrın 24-də evdə 1:2 hesablı məğlubiyyəti ilə nəticələnmişdi. Komandalar bu il yanvarın 12-də İspaniya Superkubokunun yarımfinalında da qarşılaşmış və “Real” 3:2 hesabıyla üstün olmuşdu. Maraq üçün “Barselona”nın “El Klasiko”da sonuncu qələbəsini (1:0) 2019-cu ilin martında qazandığını da qeyd edək.