Türkiyə futbolu üçün həyəcan təbili çalmağın tam zamanıdı.

[right][/right]''Fənərbaxça''nın uduzması ilə bu mövsüm avrokuboklarda çıxış edən 5 Türkiyə klubundan dördüncüsü mübarizəni dayandırmış oldu. Daha öncə bu aqibəti ''Beşiktaş'', ''Trabzonspor'' və ''Sivasspor'' yaşamışdı. Son nəticələrin ardından qardaş ölkə UEFA-nın əmsallar cədvəlində durumunu bir qədər də qəlizləşdirərək 16-cı pillədən 19-cu pilləyə gerilədi!

Xatırladaq ki, Türkiyə bu mövsümü ilk 15 ölkə arasında tamamlaya bilməsə, 2023/24-də avrokuboklara 5 yox, yalnız 4 komanda göndərə biləcək!

İndi Türkiyənin yeganə ümidi ''Qalatasaray''la bağlıdı. AL-in qrup mərhələsini lider kimi tamamlamaqla birbaşa 1/8 finala vəsiqə qazanan ''Cim-Bom''un rəqibi dünən bəlli oldu. ''Sarı-qırmızılar''a mümkün rəqiblərdən ən çətini - ''Barselona'' qismət oldu! İlk oyun martın 10-da ''Nou Kamp''da, cavab görüşü martın 17-də ''Nef Stadionu''nda keçiriləcək. ''Qalatasaray''ın rəsmisi Nihat Kırmızının püşkün nəticəsini dəyərləndirərkən ''Barselona''ya meydan oxuması və ''daha öncə ''Barselona''nı dəfələrlə yenmişik, bu dəfə də yenəcəyik'' deməsi maraqlıdı. Görəsən, ''dəfələrlə'' deyərkən hansı oyunları nəzərdə tutur? Bu iki komandanın yolu indiyə qədər 4 dəfə - 1993/94, 1994/95, 2001/02, 2003/04 mövsümlərində kəsişib. Bunların hamısı Çempionlar Liqasının qrup mərhələsinə təsadüf edib. İstanbul nəhəngi Kataloniya nəhəngini 8 oyunun yalnız birində - 1994/95-də öz meydanında məğlub edib (2:1). Digər 7 matçdan 2-si bərabərlik, 5-i ''Barselona''nın qələbəsi ilə yekunlaşıb. Maraqlıdı ki, Lionel Messinin əsas komandada olduğu 17 mövsüm ərzində ''blauqrana'' heç bir Türkiyə təmsilçisi ilə üz-üzə gəlmədi. Amma Messinin komandanı tərk etdiyi ilk mövsümdəcə ''Barsa'' Türkiyə klubuna rəqib oldu. Ümumilikdə kataloniyalılar tarixi ərzində Türkiyə təmsilçiləri ilə 14 dəfə qarşılaşıb. Komanda bu matçların 3-də məğlubiyyət acısı yaşayıb (9 qələbə, 2 bərabərlik). Özü də hər 3 məğlubiyyət səfərdə qeydə alınıb. Az öncə qeyd etdiyimiz 1994-ün noyabrındakı ''Qalatasaray''la oyundan başqa ''Barsa'' 1990-nın sentyabrında ''Trabzonspor''a (0:1), 2000-in sentyabrında ''Beşiktaş''a (0:3) məğlub olub. ''Qalatasaray''ın İspaniya klublarına qarşı son 6 matçın hamısında uduzduğunu və bu oyunlarda ümumilikdə 21 top buraxdığını da bildirək. Bu 6 görüşdən 4-də rəqib ''Real'', 2-də isə ''Atletiko'' olub.

''Qalatasaray''la ''Barselona''nın duelində, heç şübhəsiz, istanbulluların çalışdırıcısı Domenek Torrent də diqqət mərkəzində olacaq. Axı o, həm əslən kataloniyalıdı, həm də bir mövsümü ''Barselona B''də olmaqla ümumilikdə 5 mövsüm ''Barsa''da çalışaraq Xosep Qvardiolanın köməkçisi vəzifəsini icra edib. O dönəmdə ''Barselona''nın indiki baş məşqçisi Xavi Ernandes də həyətdə idi. Yəni Torrent öz yetirməsini yenməyə çalışacaq. 59 yaşlı mütəxəssis ''Barsa''ya rəqib olmaları ilə bağlı bunları deyib:

''Barselona'' hazırda Avropada ən yaxşı formada olan klublardan biridi. Xavi nə etmək istədiyini və necə oynayacaqlarını gözəl bilir. Yaxşı transferlərlə komandanı yetərincə gücləndirdilər. ''Napoli'' ilə oyunda bunu bir daha gördük. ''Barsa'' bizi heç nə ilə təəccübləndirməyəcək. Onların həm müdafiədə, həm də hücumda onsuz da necə səviyyəli komanda olduqlarını bilirik. Mənim üçün və köməkçilərim üçün özəl bir qarşılaşma olacaq. Çünki daha öncə ''Barsa''da işləmişəm. Qapıçılar üzrə məşqçimiz isə orda düz 22 il keçirib. O klubun böyük azarkeşiyik. Amma qarşıdakı matçlarda ''Qalatasaray''ın uğur qazanması üçün əlimizdən gələni edəcəyik. Püşkdə bəxtimiz heç gətirmədi. Bizə ən güclü rəqib qismət oldu. Avropanın ən yaxşı formada olan komandası ilə oynayacağıq. Biz isə əksinə, çox çətin dönəmdən keçirik. Amma ''Barsa'' ilə oyuna hələ çox vaxt var. Qarşıda bizi ''Çaykur Rizəspor''la oyun gözləyir və hələ ki o matça köklənmişik. ''Qalatasaray'' da Avropanın önəmli klublarından biridi və bu duruma düşməsi normal deyil. Oyunumuzu gücləndirməliyik''.

Son xəbərlər

Tahir Gözəl Budapeştdə

“Futbolçularımız oyunun əhəmiyyətinin fərqindədilər” - “Ferensvaroş”un prezidenti

"Qalatasaray"dan iki transfer

Millimizin rəqibləri müəyyənləşdi

"Roma"dan "Sampdoriya"ya

"Çelsi" müdafiəçisini "Monako"ya göndərir

Torreyra "Qalatasaray" yolunda

"Borussiya"da yeni forvard

"Napoli"nin hədəfindəki qapıçı

"İnter" hücumçusu ilə yollarını ayırdı

"Sona qədər layiqli mübarizə aparmağa çalışacağıq" - Qurban Qurbanov

U-23 məğlubiyyətlə başladı - KONYA-2021

"Qəbələ"dən səfər qələbəsi - VİDEO

"Nəticəni baş məşqçinin rəqibdən qorxması təyin etdi" - AÇIQLAMA

"Penalti futbolçulara psixoloji olaraq təsir etdi" - Ayxan Abbasov

İlk qızıl Skidandan gəldi - KONYA-2021

"Hər bir komanda burada oynamaqdan zövq alacaq" - Elmar Baxşıyev

"Qəbələ" qələbə ilə başladı - YENİLƏNİB

İsko yeni klubu ilə müqavilə imzaladı

"Neftçi"dən növbəti transfer

"Arsenal" PSV-nin hücumçusunu transfer edə bilər

"Ferentsvaroş"un heyətində itki

Prezident Dünya Oyunlarında nəticə göstərmiş idmançıları mükafatlandırdı

"Qarabağ"a qarşı tamamilə yeni matça çıxacağıq" - Çerçesov

Ukraynanın rəmzi komandasında Azərbaycanda işləmiş 2 nəfər yer aldı

"Neftçi" ilə matçda daha yaxşı işlər görəcəyik" - "Rapid"in futbolçusu

"Azərbaycan millisində oynamaq ehtimalım var idi" - Cəmaləddin Xocaniyazov

"Daha çox qol vura bilərdik" - Holann

Xavi bu futbolçulara güvənmir

PSJ "Napoli"nin yarımmüdafiəçisini transfer edir

"Qəbələ"nin 4 futbolçusu məşqlərdə iştirak etmir

"Borussiya" yeni hücumçu transfer etdi

Azərbaycan premyer-liqasında 13000-ci qol

Yığma komandamız Avropa birinciliyində iştirak edəcək

"Barselona" kuboku darmadağınla qazandı

"İstəyirik ki, hər şey 90 dəqiqədə həll olunsun" - Qurban Qurbanov

Emin Mahmudov "Neftçi"də yubiley matçına çıxdı

"Səbail"dən anti-rekord

Musa Qurbanlı "Qarabağ"ın ən yaxşıları siyahısında

"Qarabağ" Macarıstana yola düşdü

Çempionatın ilk turu Regekampf üçün əlamətdar oldu

Fərid Qayıbov milli üzvləri ilə görüşdü

"Neftçi"yə qarşı ilk oyun çox çətin alındı" - "Rapid"in futbolçusu

Yığmalarımız Şahmat Olimpiadasında Ermənistanla qarşılaşacaq

Kapitan "Ferentsvaroş"la cavab oyununu da buraxacaq

Bütün xəbərlər