Uğursuzluğa görə istefaya hazırdı
Antonio Konte uğursuz nəticələrə görə “Tottenhem”in baş məşqçi vəzifəsindən ayrılmağa hazırdı.
52 yaşlı mütəxəssis İngiltərə premyer-liqasının 13-cü turundan təxirə salınan “Bernli” ilə oyunundan (0:1) sonra maraqlı açıqlama verib. Konte klub rəhbərliyinin onunla bağlı qiymətləndirmə aparmalı olduğunu deyib: “Tottenhem”ə vəziyyəti düzəltmək üçün gəlmişdim, amma son 5 oyundan 4-də uduzmuşuq. Vəziyyəti yaxşılaşdırmaq üçün əlimizdən gələni edirik, lakin bacarmırıq. Mən dürüst adamam. Azarkeşlərimizdən üzr istəyirəm. Klub mənim fəaliyyətimlə bağlı dəyərləndirmə aparmalıdı. Düzgün olan budu”.
“Tottenhem” hazırda ölkə çempionatının turnir cədvəlində 24 oyuna 39 xalla 8-ci yeri tutur.
