"İnanıram ki, biz bunu bacaracağıq" - Qurban Qurbanov
Sabah Konfrans Liqasının pley-offunda "Qarabağ" - "Marsel"i qəbul edəcək.
Bu gün öyundan öncə keçirilən mətbuat konfransında Ağdam təmsilçisinin baş məşqçisi Qurban Qurbanov görüş haqda fikirlərini səsləndirib:
"Hiss olunur ki, çox böyük ajiotaj olacaq. Qış aylarından sonra Azərbaycanda belə oyun keçirilməmişdi. Azarkeşlərin çox istəkli olduğunu görürəm. Bizə güvəndiklərinə görə hər birinə təşəkkür edirəm. Yaxşı baş məşqçisi, futbolçuları olan komandaya qarşı oynayırıq. İlk görüşdəki kimi də onların oyunularını, futbolçularını təhlil etmişdik. Düşündüklərimizin çoxunu meydanda gördük və ona qarşı oyunumuzu qura bildik. İlk görüşdə rəqibi daha yaxından tanıdıq. Futbolçularıma demişəm ki, burda daha yaxşı oyun göstərməliyik. Azarkeşlərimizin istirahət etməsini, zövq almasını istəyirik. Bir anlıq hər şeydən uzaqlaşıb, yaxşı mübarizənin şahidi olsunlar. İnanıram ki, biz bunu bacaracağıq. Rəqib son çempionat oynunda məğlub oldu. Bizi daha ciddiyə alacaqlar. Bu da bizə bir qədər mane ola bilər. İnanıram ki, futbolçularım ən yaxşı oyunlarını göstərəcəklər. Onlardan bunu tələb edəcəm".
