AFFA-nın təşkilatçılığı ilə Bakıda UEFA-nın Pro kateqoriyalı məşqçi kursunun 3-cü modulu başlayıb.

"Football-plus.az" saytının məlumatına görə, bu haqda qurumun saytında xəbər paylaşılıb.

AFFA-nın Mətbuat və İctimaiyyətlə Əlaqələr şöbəsinin rəhbəri Firuz Abdulla “Sosial mediada ünsiyyət”, “Futbolun İnkişafı Fondu”nun (FİF) icraçı direktoru Tural Piriyev “Marketinq və komandanın idarə edilməsi” mövzusunda mühazirə oxuyublar. İki gün davam edəcək kursda iştirakçılara AFFA-nın baş həkimi Vyaçeslav Xomenko "İdman tibbindəki yeniliklər və futbolçuların tez-tez rastlaşdıqları zədələr", AFFA-nın Hakimlər Komitəsinin sədri Fritz Stuxlik isə "Oyun qaydaları, yeniliklər" və VAR protokolu ilə bağlı seminar keçəcək.