İspaniyanın Fuenqirola şəhərində yeniyetmə cüdoçuların açıq Avropa turniri keçirilir.

"Football-plus.az" saytını məlumatına görə, idmançılarımız turnirinin birinci gününü 4-ü qızıl olmaqla 8 medalla başa vurublar.

Yeniyetmə oğlanlar arasında -50 kq çəki dərəcəsində mübarizə aparan cüdoçumuz Məhəmməd Məmişov bütün rəqibləri üzərində qələbə qazanaraq qızıl medal qazanıb. Eyni çəki dərəcəsində mübarizə aparan digər idmançımız Xalid Məmmədov isə turniri bürünc medalla başa vurub.

Məhəmməd Musayev (55 kq) də bütün rəqiblərini məğlubiyyətə uğradaraq qızıl medal əldə edib. Həmin çəki dərəcəsində yarışan digər cüdoçumuz Xanəhməd Şərifov bürünc medal qazanıb.

Nizami İmranov (60 kq) və Nicat Nağıyev (66 kq) də finalda rəqiblərinə qalib gələrək qızıl medal qazanıb.

​Yeniyetmə qızlar arasında dərəcəsində mübarizə aparan idmançımız Xumar Qasımzadə (44 kq) bütün rəqiblərinə qalib gələrək finala yüksəlib. Yalnız həlledici görüşdə uduzan cüdoçumuz gümüş medala yiyələnib. Fidan Qasımova (52 kq) isə təsəlliverici görüşdə rəqibinə qalib gələrək bürünc medal qazanıb.