Dopinq ukraynalının karyerasını bitirdi
Pekin-2022 Qış Olimpiya Oyunlarında orqanizmində dopinq aşkarlanan Ukrayna xizəkçisi Valentina Kaminskaya karyerasını başa vurub.
35 yaşlı idmançı bu barədə “instaqram” hesabında bilgi verib. Kaminskaya karyerasının qəfil başa çatdığını vurğulayıb: "Böyük ürək ağrısı ilə bu sözləri yazıram. Başverənlərə inana bilmirəm. Dopinq-testimin nəticəsi mənim üçün fəlakət idi. Qəribə səslənə bilər, amma heç vaxt bu maddələri bilərəkdən qəbul etməzdim. Bu nəinki qadağandı, həm də hər idmançı üçün axmaqlıqdı. Həyatımın çətin mərhələsində yanımda olan hər kəsə minnətdaram".
Kaminskayanın fevralın 10-da verdiyi-dopinq testdə mesterolon (anabolik steroid) və heptaminol (stimulyant) aşkarlanıb. Xatırladaq ki, Qış Olimpiadasına fevralın 20-də yekun vurulacaq.
