"Düşünürəm ki, komandam verilən tapşırığı yerinə yetirdi və layiqli qələbə qazandı" - Elmar Baxşıyev
Premyer-liqanın 16-cı turunda "Qəbələ" doğma meydanda "Səbail"i qəbul edib.
"Football-plus.az" saytının məlumatına görə, Qəbələ təmsilçisi görüşdən 2:0 hesablı qələbə ilə ayrılıb. Oyundan sonra ev sahibi komandasının baş məşqçisi Elmar Baxşıyev mətbuat konfransında iştirak edib. Çalışdırıcı görüş haqda bunları deyib:
"Oyunun çətin keçəcəyini bilirdik. "Səbail" sonuncu pillədə olmasına baxmayaraq, komanda hər an təhlükə olaraq qalır, meydanda sürpriz edə biləcək gücdədi. Komandanı ağır oyuna hazırlayırdıq. Bilirdik ki, futbolçular qələbə qazanmaq üçün oyuna maksimum fokuslanmalıdı. Düşünürəm ki, komandam verilən tapşırığı yerinə yetirdi və layiqli qələbə qazandı".
