Erlinq Holannın gələn mövsüm formasını daşıyacağı klub məlum olub.

Dortmund “Borussiya”sının hücumçusu “Real”la ilkin razılığa gəlib. “Sport.es” saytının xəbərinə görə, norveçli futbolçunun və madridlilərin nümayənələri Monakoda görüşüblər. Görüş zamanı Erlinqin başqa klublarla danışıq aparmaması ilə bağlı razılıq əldə olunub. Futbolçu öz istəyi ilə “Borussiya”nı tərk edə bilər. Ancaq o, bu yay komandasından ayrılmaq istəsə, “Real” Erlinqin yeganə variantı olmalıdı.

22 yaşlı hücumçu Dortmund klubunda 2020-ci ildən çıxış edir. O, bu mövsüm bundesliqada 14 oyuna 16 qol vurub və 6 məhsuldar ötürmə edib.