"Azərbaycanın ən yaxşı komandasına qarşı oynayacağıq" - "Qəbələ"nin üzvü
"Qəbələ"nin braziliyalı futbolçusu Rafael Alemao ölkəsinin mətbuatına açıqlama verib.
Hücumçu "Lance" nəşrinə ölkə kubokunun yarımfinal mərhələsində qarşılaşacaqları "Qarabağ" haqda danışıb:
"Yarımfinalda çox güclü rəqiblə üzləşdik. "Sumqayıt"la matçlarda 1:0 və 1:1 hesablı nəticələr qeydə alınmışdı. Evdə daha çətin olacağını bilirdik. Belə də oldu. Ancaq biz işimizin öhdəsindən gəldik və bizi yarımfinalda "Qarabağ"la matçlar gözləyir. Bu, artıq başqa səviyyədi. Şübhəsiz ki, Azərbaycanın ən yaxşı komandasına qarşı oynayacağıq. Baş məşqçinin hazırlayacağı strategiyaya uyğun özümüzü hazırlayacağıq".
