Turan Manafovun bel ağrıları şiddətlənib - AÇIQLAMA
Yunanıstanın Şimal zonası üzrə 1-ci liqasında 19-cu turun oyunları keçirilib.
Turan Manafovun formasını geydiyi Volos "Olimpiakos"u səfərdə "İraklis"ə 0:4 hesabı ilə uduzub. Həmyerlimizin adı qarşılaşmanın iştirak ərizəsinə salınmayıb. Volos təmsilçisi 17 komandanın mübarizəsində 13 xalla 16-cı yerdə qərarlaşıb.
Bu görüşdə oynamamasının səbəbini öyrənmək üçün Manafovla əlaqə saxladıq: "Ötən dəfə sizə demişdim ki, belimdə ağrılar var. Bundan öncəki matçdan sonra ağrılar artmağa başladı. Hətta o dərəcədə kəskindi ki, ayaqlarıma, qarnıma və sinəmə belə təsir edir. İki gündü məşqə çıxmıram. Hazırda MRT-dən çıxdım. Nəticələr bəlli olandan sonra müalicəyə başlayacam. Növbəti görüşdə oynayıb-oynamayacağım da bəlli deyil. Tam sağalmamış oynamaq istəmirəm. Çünki belə ağrı ilə çıxış etmək həm öz sağlamlığıma ziyandı, həm də oyunuma təsir edir. Amma bəzi Azərbaycan saytları yazır ki, baş məşqçi ilə aramda problemlər var, ona görə oyunlara çıxmıram. Halbuki belə şey yoxdu, sadəcə, kəskin ağrılar var, məşqlərə belə çıxa bilmirəm ".
GÜNAY VƏLİYEVA
