"Bakıda bundan daha yaxşı mübarizə aparacağıq" - Qurban Qurbanov
Konfrans Liqasının pley-offunda "Qarabağ" səfərdə "Marsel"ə məğlub olub - 1:3.
Görüşdən sonra "Qarabağ"ın baş məşqçisi Qurban Qurbanov mətbuat konfransında iştirak edib. Təcrübəli mütəxəssisin qarşılaşma haqda fikirləri belə olub:
"Rəqibi təbrik edirəm. Dünən də bildirmişdim ki, "Marsel"in yaxşı baş məşqçisi və fərdi keyfiyyətləri yüksək olan futbolçuları var. Məni ən çox narahat edən məqam rəqibin ustalıq səviyyəsi idi. Bu gün bəlkə də bu elemetlərə görə uduzduq. Amma komandamın oyunundan tam razı qaldım. Bəzi diqqətsizliklər oldu ki, bu da belə komandaya qarşı matçda normaldı. Səfərdə çıxış etməyimizə baxmayaraq, çox yaxşı oyun göstərdik. İndi qaldı Bakıdakı oyunu gözləmək. Evdə bundan daha yaxşı mübarizə aparacağıq. Çünki rəqibi yaxından tanıyırıq. Bakıda azarkeşlərimizi yaxşı oyunla həyəcanlandırmaq istəyirik".
