Bir müddət əvvəl Mahir Emrelini məşq etdirən Elmejor Şuşaya səfər edib.
Mütəxəssis Cıdır düzündə tələbəsi Ömər Məmmədzadə ilə məşq də edib.
Elmejor “Football-plus.az” saytına səfər haqda bunları söylədi:
"Şuşaya bir ildən çox idi getmək istəyirdim. Bu yaxınlarda təklif gəldi. Bir gün ərzində getdik, gəldik. Ümumiyyətlə, Şuşa çox gözəl olub. Düşmənlərimiz oranı pis günə qoymuşdu. İndi hər şey təmir olunub. Arzum idi ki, prezidentin "noldu Paşinyan" dediyi yerdə məşq keçim. Arzuma çatdım. Amma gözləntim başqadı. Şuşada komanda yaradılmasını istəyirəm. Ən azı uşaq futbolu ola bilər. O komandanın da məşqçisi olmaq istəyərəm. İspaniyada çıxış edəndə ermənilərlə birlikdə oynamışam. Onlarla həmişə mübahisələrimiz olurdu. Deyirdim ki, gün gələcək mən orda məşq edəcəm, bunu görəcəksiz. Gedib döyüşmək nəsib olmadı. Könüllü kimi qatılmaq istədim, amma əməliyyatlardan sonra bədənimdə metallar olduğu üçün yararlı olmadım. Ordakı hərbiçilərimiz bizə çox kömək oldu. Qürurla o anlardan da danışdılar. Ümid edirəm ki, orda stadion tikiləcək. Mən də təmannasız məşqlər keçərəm. Səfərə "Qarabağ"ın əvəzedicilərinin üzvü Ömər Məmmədzadə ilə getmişdim. Ömər həm də tələbəmdi. Hakim Əli Əliyev də bizimlə idi. Kəlbəcər, Füzuli və Hadruta getmək istəyirəm. Allah şəhidlərimizə rəhmət eləsin. Onların qanı yerdə qalmayacaq. Müharibə ilə yox, futbol, idman ilə ölkəmizi tanıdıb, layiqincə təmsil edəcəyik. Bir idmançının uğurundan sonra əsgər salamı verməsi belə böyük qürurdu. Məşqçi kimi o torpaqlara addım atdım. Hər kəsə nəsib olsun".
GÜNAY VƏLİYEVA