Premyer-liqanın 15-ci turunda "Qarabağ" səfərdə "Neftçi"ni 2:1 hesabı ilə məğlub etdi.

Azərbaycan derbisində maraqlı hadisələr bir-birini əvəzləyirdi. Ən diqqətçəkən məqam isə “İmarət”in üzvlərinin Sezar Meza Kollini dayanmadan təhqir etməsi idi. Top nə zaman paraqvaylıda olsa, fanatlar onu fitə basır, ünvanına ingiliscə ağır ifadələr səsləndirirdilər.

Məsələ ilə bağlı “İmarət” fanklubunun üzvləri ilə əlaqə saxlasaq da, onlar bunu nə üçün etdikləri ilə bağlı açıqlama verməkdən boyun qaçırdılar.