"CBC Sport" "Səbail" - "Sumqayıt" matçının gec başlamasına səbəb olub
Premyer-liqanın 15-ci turunun “Səbail” - “Sumqayıt” matçı 6 dəqiqə gec başladı.
Bunun səbəbi yayınçı şirkət “CBC Sport”un efirində problemin olması idi. Yubanmanın nədən qaynaqlandığını öyrənmək üçün telekanalın Xəbərlər Xidmətinin direktoru Şəmsəddin Abbasovla əlaqə saxladıq:
“Həmin gün iki oyunu canlı yayınlayırdıq. İlk qarşılaşma planlaşdırılan vaxtda yox, gec qurtardı. Bundan başqa, çalışdırıcılardan fləş-müsahibələr aldıq. Bu səbəbdən də ikinci qarşılaşma gec başladı. Başqa hansısa problem yox idi”.
İLKİN SULTANLI
