"İmarət" Fransada "Qarabağ"ı dəstəkləycək? - AÇIQLAMA
Konfrans Liqasında "Qarabağ" səfərdə "Marsel"in qonağı olacaq.
Fransa klubunun yaydığı məlumata görə, artıq biletlər tükənmək üzrədi. Azərbaycanlı azarkeşlərin də tribunada yer alacağı gözlənilir. Görəsən, "köhlən atlar"ın fanqrupu "İmarət tayfa" komandanın yanında olacaq? Sualımızı fanklubun rəsmisi Elnur Quliyevə ünvanladıq:"İmarət Avropa" fanqrupumuz indiyədək Avropada olan heç bir oyunda komandanı tək buraxmayıb. 5 nəfər də olub, 50 nəfər də. Avropada fanqrupumuzun bir neçə fəal üzvü var ki, orda yaşayırlar. Əsasən İsveçrədə yaşayan üzvlərimiz daha çoxdu. Fransaya getməyi planlaşdırırlar. Sosial şəbəkələrdə təbliğat da aparırlar. Əlaqə nömrələri paylaşılıb ki, getmək istəyənlər əlaqə saxlasın. Çox gözəl hazırlaşacaqlar. Əvvəlcədən demək olmur bəzi nüansları. "Qarabağ"a həmişəki kimi yüksək səviyyədə dəstək olacaqlar. Burdan da getmək istəyənlər var. Həm bizim üzvlərimizdən, həm də başqa azarkeşlərdən müəyyən sayda gedən olacaq".
GÜNAY VƏLİYEVA
