Turan Manafov Yunanıstanda problemlə üzləşib – ÖZÜ AÇIQLADI
Yunanıstanın Şimal zonası üzrə 2-ci liqasında 14-cü turdan təxirə salınan oyunlar keçirilib.
Turan Manafovun formasını geyindiyi Volos "Olimpiakos"u səfərdə "Trikala"nı 2:1 hesabı ilə yenib. Turan start heyətində meydana çıxıb və 73 dəqiqə mübarizə aparıb. Futbolçu belində ağrılar hiss etdiyi üçün əvəzlənib.
Manafov zədəsi ilə bağlı oyundan sonra “Football-plus.az” saytına bunları söylədi: "Çoxdandı belim ağrıyırdı. Burda da meydanlar pis vəziyyətdədi, 90 faizi bərbaddı. Bir-iki stadion var ki, futbol oynamağa yararlıdı. Stadionların belə olması belimdə ağrılara səbəb olur".
GÜNAY VƏLİYEVA
