Nadal Federerlə birgə oynamaq istəyir
“Böyük dəbilqə” turnirlərinin 21 qat qalibi Rafael Nadal özünün Leyver Kubokunda Rocer Federerlə birgə oynamaq təklifini şərh edib:
“Rocerə Londonda cütlük şəklində oynamağı təklif etdim, belə görünür ki, o da tərəfdardı, indi yalnız kapitanımız Byorn Borqu dilə tutmaq qalır. Rocer karyeramda böyük rol oynayıb. O ciddi rəqib, eyni zamanda əsl dostdu. Avropa komandasında olmaq əladı, yenidən cütlük şəklində korta çıxa bilsək, hər ikimiz üçün karyeramızın indiki məqamında xüsusi təcrübə olacaq”.
Xatırladaq ki, Leyver Kuboku bu il sentyabrın 23-25-i aralığında Londonda keçiriləcək.
Nadalın məşqçisi Karlos Moyya isə Novak Cokoviçin koronavirus peyvəndini vurdurmaması ilə bağlı danışıb:
“Düşünmürəm ki, Nadalın 21-ci dəfə “Böyük dəbilqə” qazanması Cokoviçi peyvəndə məcbur edəcək. Novak peyvənd olunmasa, demək olar ki, heç bir “Böyük dəbilqə” turnirində oynaya bilməyəcək. O, uğrunda belə inadla çalışdığı karyerasından imtina etmək təhlükəsi ilə üz-üzədi”.
Xatırladaq ki, Cokoviç peyvənd olunmadığına görə sonuncu “Australian Open”ə qatıla bilməyib. Onun təqdim etdiyi tibbi arayışı yetərsiz sayan Avstraliya hakimiyyət orqanları uzun-uzadı məhkəmə araşdırmasından sonra serb tennisçini ölkədən qovublar.
