Belçika millisinin sabiq oyunçusu Musa Dembele karyerasını başa vurub.

34 yaşlı yarımmüdafiəçi Antverpen şəhərində məskunlaşaraq ailəsi ilə daha çox vaxt keçirmək qərarına gəlib. Onun sonuncu klubu “Quançjou Siti” olub. Musa Çin komandasında 2019-21-ci illərdə oynayıb. Dembele karyerası ərzində “Jerminal”, “Villem II”, “Alkmaar”, “Fulhem” və “Tottenhem”də də çıxış edib.
Belçika millisində 83 oyun keçirib və 5 qol vurub. 2009-cu ildə “Alkmaar”la Niderland çempionu olan Musa DÇ-2018-in bürünc medalını da boynundan asıb.