“Formula-1” heç vext belə güclü olmayıb”
“Maklaren”in icraçi direktoru Zek Braun “Formula-1”in inkişafı ilə bağlı fikirlərini bölüşüb: “Formula-1” heç vaxt belə güclü olmayıb. O gündən-günə yaxşılaşır – yarışlar rekord saya çatır, yarışları qəbul etmək istəyən ölkələrin, tamaşaçıların sayı artır. Dünya çempionatının televiziya reytinqi çox yüksəkdi, sponsorlarla danışmaq asanlaşıb. Rəqəmsal mühitdən danışırıqsa, “Netflix” daha bir möhtəşəm mövsüm hazırlayır. 10 komandanın hər biri ya biznes baxımından yaxşı vəziyyətdədi, ya da bunlara “Formula-1”də komanda saxlamağa qadir adamlar sahiblik edirlər. Hətta gəlir çox olmasa da, dünya çempionatında iştirak onların cibinə uyğundu”.
“Formula-1”də mövsümöncəsi test yarışları fevralın 23-25-i aralığında Barselonada və martın 10-12-si aralığında Bəhreyndə keçiriləcək. 2022 mövsümünün ilk mərhələsi isə martın 20-də Bəhreyndə olacaq.
