"Bursaspor"un baş məşqçisi Tamer Tuna Namik Ələskərovla bağlı maraqlı qərar verib.

Türkiyə mətbuatında yer alan məlumata görə, mütəxəssis 27 yaşlı futbolçunu hücumçu olaraq sınayacaq. Buna səbəb yeganə təcrübəli hücumçu kimi məhz Ələskərovun komandada olmasıdı. Eren Güler zədəlidi, Tim Matavzla yollar ayrılıb, Elton Akolatse isə düşərgəyə qayıtmayıb. Bu səbəbdən baş məşqçi Namiki mövsümün qalan hissəsində hücumun mərkəzində oynadacaq.

Qeyd edək ki, Samir Abbasov da Namik Ələskərovu "Neftçi"də çıxış edən zaman forvard olaraq meydana buraxırdı.

TFF 1-ci Liqasının 23-cü turunda, fevralın 5-də “Altınordu” ilə matçda ilk dəqiqələrdən komandanın əsas qol ümidi olacaq həmyerlimizin əsas əvəzləyicisi rolunu 18 yaşlı Hasan Sabri Karaca olacaq.