Srağagün keçirilən “Kolambus” – “Florida” oyunu (4:8) iki rekordla əlamətdar oldu.

Bu oyunda 8 dəfə fərqlənən “Panterz” yanvarda vurduğu (bizim statistikada oyunun fevralın 1-də keçirildiyi göstərilsə də, ABŞ-da həmin vaxt hələ yanvarın 31-i idi – red.) qolların sayını 73-ə çatdırdı. Bu isə son 25 mövsüm üçün MHL rekordudu. “Florida” yanvarda keçirdiyi 14 oyunun ikisində 1, səkkizində isə 5 və daha artıq qol vurub.

“Florida”nın bu oyunda 6 xal (2+4) toplayan oyunçusu Meyson Marçment də tarixə düşdü. 26 yaşlı kanadalı Olli Yokinenin 2007-ci il martın 17-də müəyyənləşdirdiyi bir oyunda xal sayına görə klub rekordunu təkrarladı. Fin forvard da həmin gün 6 (2+4) xal toplamışdı.

Dünən keçirilən “Nyu-Cersi” ilə oyunda het-trik edən “Toronto”nun kapitanı Oston Mettyus MHL karyerasında xal sayını 400-ə çatdırdı. 24 yaşlı amerikalı klub tarixinə bunu ən tez bacaran hokkeyçi kimi düşdü. Ona 400 xal həddinə çatmaq üçün 372 oyuna çıxmaq lazım gəlib. Əvvəlki klub rekordu 400 xalı ilk 387 oyunda toplayan Sil Eppsə məxsus idi. Mettyusun cari mövsümdə keçirdiyi 39 oyunda 51 (29+22) xal topladığını da xatırladaq.
Bu arada “Florida”nın hücumçusu Conatan Yuberdo MHL-də yanvarın ən yaxşı oyunçusu sayılıb. O, ay ərzində 25 (9+16) xal toplamaqla bombardirlər yarışında liderliyi ələ keçirib. Ayın ikinci ulduzu “Neşvill”in qapıçısı Yuuse Sarosdu. Qolkiper ayboyu 12 oyunun 8-də qalib gəlib, hər oyunda orta hesabla 2,49 şayba buraxıb. Nəhayət, ayın üçüncü ulduzu “Pittsburq”un hücumçusu Brayan Rastdı. Vinger 11 oyunda 21 (10+11) xal toplayıb.

1 fevral
Detroyt – Anahaym 2:1 ОТ (1:0, 0:1, 0:0, 1:0)
Kolambus – Florida 4:8 (2:4, 2:3, 0:1)
Toronto – Nyu-Cersi 6:4 (2:3, 0:1, 4:0)
Ottava – Edmonton 3:2 ОТ (1:1, 1:0, 0:1, 1:0)
Çikaqo – Vankuver 1:3 (0:1, 0:1, 1:1)
2 fevral
Boston – Sietl 3:2 (0:0, 2:0, 1:2)
Nyu-Cersi – Toronto 1:7 (0:4, 0:2, 1:1)
Pittsburq – Vaşinqton 3:4 ОТ (2:2, 1:1, 0:0, 0:1)
Reyncers – Florida 5:2 (1:1, 2:1, 2:0)
Tampa-Bey – San-Xose 3:2 ОТ (0:0, 2:1, 0:1, 1:0)
Filadelfiya – Vinnipeq 3:1 (0:1, 1:0, 2:0)
Aylenders – Ottava 4:1 (1:1, 2:0, 1:0)
Neşvill – Vankuver 4:2 (2:2, 1:0, 1:0)
Dallas – Kalqari 3:4 (2:1, 1:0, 0:3)
Kolorado – Arizona 2:3 Б (0:0, 2:1, 0:1, 0:0, 0:1)
Veqas – Baffalo 5:2 (2:0, 2:1, 1:1)

Bombardirlər: Yuberdo (Florida) – 64 (17+47), Drayzaytl (Edmonton) – 61 (31+30), Kadri (Kolorado) – 60 (19+41).
Snayperlər: Krayder (Reyncers) – 33, Drayzaytl (Edmonton) – 31, Oveçkin (Vaşinqton), Mettyus (Toronto) – 29.