“Çox maraqlı və rəqabətli turnir oldu. Heç vaxt hansısa turnirdə bu statusda oynamamışam. Ona görə də asan deyildi. Amma nə etmək olar? Bunu biləndə ilk sualım belə oldu: hardasan, Vişvanatan Anand? Şadam ki, Sergey Karyakin burda məndən sonra ən yaşlı ikinci şahmatçı idi. O da ən yaşlılardan biridi (gülür)... Hələ də fikirləşirəm ki, bu yaxşı ideyadı. Niyə də g4 gedişi etməyim? Əminliklə deyə bilərəm ki, yenə bu gedişə müraciət edəcəm. Çünki normal haldı. Adətən, bu gedişdən sonra çox vaxt uduzmursan. Amma mən g4 gedişi etdikdən sonra çox vaxt pis vəziyyətə düşürəm (gülür). Bununla belə, mənim üçün maraqlı açılışdı. Yenidən g4 gedişinə qayıdacam... Təbii ki, Maqnus Karlsenə uduzduğum görüşü qeyd edərdim. Maqnus fantastik oynadı. Heç vaxt belə uduzmamışdım. Möhtəşəm oyun idi... Turnirin böyük hissəsində liderlər qrupunda yer aldım. Bu üzdən yekun nəticədən razı qaldım. Əsasən son partiya yadda qalır. Karuna ilə heç-heçədən sonra ikinci yeri təmin etdim”.