"Qarabağ" ispan futbolçusunu yunanlara verdi - ÖZƏL
"Qarabağ"ın futbolçusu Qaspar Panadero karyerasını Cənubi Kiprdə davam etdirəcək.
Ağdam təmsilçisinin ötən yay transfer etdiyi ispaniyalı oyunçunun adı bir neçə gün idi Cənubi Kipr komandası AEK ilə yanaşı hallanırdı. Ağdam təmsilçisinin mətbuat xidmətinin rəhbəri Gündüz Abbaszadə xəbəri təsdiqləmiş, iki tərəf arasında danışıqların yekunlaşmaq üzrə olduğunu bildirmişdi. Hazırda məsələnin nə yerdə olduğunu öyrənmək üçün yenidən Gündüz Abbaszadə ilə əlaqə saxladıq:"Qaspar artıq Kiprə yollanıb. İki klub arasında bütün detallar danışılıb və razılaşdırılıb. İspaniyalı futbolçumuz bazar ertəsi tibbi baxışdan keçəcək. Tibbi baxış uğurla keçəcəyi halda müqavilə artıq qüvvəyə minəcək. Qaspar mövsümün sonuna qədər icarə əsasında AEK-də çıxış edəcək".
GÜNAY VƏLİYEVA
