Yanvarın 27-də Cənubi Amerikada DÇ-2022-nin seçmə mərhələsinin 15-ci turuna start verildi.

Artıq bu regiondan ilin son aylarında Qətərdə təşkil ediləcək mundiala vəsiqəni təmin edən Braziliya və Argentina yığmaları fərqli nəticələr göstərdilər.

Braziliya yığması ardıcıl ikinci seçmə oyunu zədəli olduğu üçün aparıcı hücumçusu Neymarsız keçirdi. Ekvador ilə Kitodakı matça hakimin damğa vurduğunu desək, heç də böyük səhvə yol vermərik. Artıq 6-cı dəqiqədə Kazemiro qonaq komandanı hesabda önə keçirdi. 9 dəqiqə sonra ev sahiblərinin qapıçısı Aleksander Dominges topa çıxışda ayağı ilə hücumçu Mateus Kunyanın sinəsinə zərbə endirdiyi üçün qarşısında birbaşa qırmızı vərəqə gördü. 5 dəqiqə sonra braziliyalı müdafiəçi Emerson Royal növbəti xəbərdarlığa görə meydanı tərk etməli oldu. daha 5 dəqiqə keçdi və Alisson cərimə meydançasından kənarda ayağı ilə rəqib oyunçunun başına zərbə endirdiyi üçün qarşısında birbaşa qırmızı vərəqə gördü. Ancaq VAR otağından gələn siqnalı nəzərə alan Vilmar Roldan təkrara baxaraq qırmızı vərəqəni sarı ilə əvəzlədi.
Kolumbiyalı referi 55-ci dəqiqədə Rafinyanın cərimə meydançasında rəqibə qarşı hərəkətini penaltiyə layiq bildi. Lakin yenə VAR-ın köməyi ilə qərarını dəyişdi. Əsas vaxta əlavə edilən 5-ci dəqiqədə Alissonun rəqiblə toqquşması növbəti xəbərdarlıq almasına və onun qoruduğu qapıya növbəti penalti təyin olunmasına səbəb oldu. Ancaq Roldan epizodun təkrarına baxandan sonra hər iki qərarını dəyişməklə ev sahiblərində daha kəskin narazılıq doğurdu. Bundan 20 dəqiqə əvvəl Ekvador yığması cavab qolunu vurmuşdu. Beləliklə, hakim rüsvayçılğı ilə yadda qalan matç 1:1 hesabı ilə sona çatdı. Braziliya bu nəticə ilə mundialın seçmə mərhələsində rəqib meydanlarında məğlubiyyətsiz oyunlar seriyasını 16-ya çatdırdı. Beşqat dünya çempionu 1954-93-cü illər aralığında müəyyən etdiyi öz rekordunu yenilədi. “Selesao”nun yenilədiyi daha bir rekord dünya çempionatının seçmə mərhələsində ardıcıl 31-ci oyunda da uduzmamasıdı.

Argentina isə uğurlu oyunlar seriyasını davam etdirdi. Lionel Skaloni bu dəfə Messinin xidmətinə ehtiyac duymamışdı. Amerika Kubokunun son qalibi onsuz da Çili səfərində qələbə qazanmağı bacardı. Matçın nəticəsini ilk hissədə vurulan üç qol müəyyən etdi. 2:1 hesablı qələbə Argentina ilə lider Braziliya arasındakı xal fərqini 4-ə enməsinə şərait yaratdı. Əlavə edək ki, “Albiselesta” artıq 28 oyundu (18 qələbə, 10 heç-heçə) məğlubiyyətin nə olduğunu bilmir. Bu, Argentina millisinin tarixində ikinci ən yaxşı seriyadı. Belə ki, “ağ-mavilər” 1991-93-cü illərdə ardıcıl 29 matçda uduzmayıblar. Yeri gəlmişkən, yığmalar arasında məğlubiyyətsizlik rekordu İtaliyaya məxsusdu. “Skuadra adzurra” ardıcıl 37 oyunda heç bir rəqibinə boyun əyməyib. Deməli, Argentina yığması dünya rekordunu yeniləmək üçün daha 10 matçda uduzmamalıdı.
Uruqvayın Paraqvayda Luis Suaresin yeganə qolu ilə qələbə qazanması da diqqəti cəlb etdi. Seçmə turnirdə ardıcıl 4 məğlubiyyətdən sonra istefaya göndərilən Oskar Tabaresin yerini tutan Dieqo Lopesin yığmadakı debütü uğurlu alındı.

Cənubi Amerika
qrup mərhələsi, 15-ci tur
Ekvador – Braziliya 1:1 (0:1)
Ekvador: A.Dominges, A.Presyado (R.Kaysedo, 66), F.Torres, İnkapye, Estupinyan, Franko (Qalindes, 18), Qrueso (E.Presyado, 66), M.Kaysedo (Mendes, 86), Plata, Estrada (Sarselen, 85), E.Valensiya.
Braziliya: Alisson, Emerson Royal, Eder Militao, Tyaqo Silva, Aleks Sandro, Rafinya (Antoni, 63), Fred, Kazemiro, Vinisius Junior (Qabriel Jezus, 63), Mateus Kunya (Qabriel Barboza, 78), Koutinyo (Daniel Alveş, 33).
Qollar: Kazemiro, 6 (0:1). F.Torres, 75 (1:1).
Vərəqələr: Emerson, 1. Alisson, 31. Rafinya, 42. Eder Militao, 45+2. E.Valensiya, 70. M.Kaysedo, 78 – sarı. A.Dominges, 15. Emerson Royal, 20 (ikinci sarı) – qırmızı.
Hakim: Vilmar Roldan (Kolumbiya).
27 yanvar. Kito.

Çili – Argentina 1:2 (1:2)
Çili: Bravo (Kortes, 35), P.Dias (İsla, 60), Medel, Maripan, Veqas (Suaso, 46), Pulqar, Aranxis, E.Varqas (Davila, 85), M.Nunyes (Montesinos, 60), A.Sançes, Brereton.
Argentina: E.Martines, Otamendi, Molina, Lisandro Martines, Talyafiko, De Paul (Lo Çelso, 71), L.Paredes, A.Qomes, Di Mariya (A.Korrea, 85), Lautaro Martines (X.Alvares, 78), N.Qonsales (Akunya, 70).
Qollar: Di Mariya, 9 (0:1). Brereton, 20 (1:1). Lautaro Martines, 34 (1:2).
Vərəqələr: Veqas, 27. Otamendi, 38. De Paul, 53. Maripan, 69. L.Paredes, 72. Pulqar, 76. A.Sançes, 79. Montesinos, 89. Talyafiko, 90+4 - sarı.
Hakim: Anderson Daronko (Braziliya).
27 yanvar. Kalama.

Paraqvay – Uruqvay 0:1 (0:0)
Paraqvay: A.Silva, Eskobar (R.Roxas, 65), Q.Qomes, Alonso, Arsamendiya, Oxeda (A.Benites, 73), M.Roxas (Vilyasanti, 64), A.Sançes, Almiron, Sanabriya (Enkiso, 72), K.Qonsales.
Uruqvay: Roçet, Arauxo, Qodin (M.Kaseres, 83), X.Ximenes, Olivera, Pellistri (Kanobbio, 70), Vesino, Bentankur (D.Suares, 83), Valverde (Arambarri, 90), D.Nunyes (Kavani, 70), L.Suares.
Qol: L.Suares, 50.
Vərəqələr: Bentankur, 9. Pellistri, 20. Arauxo, 22. Vesino, 43. M.Roxas, 59. Q.Qomes, 62. Alonso, 86 – sarı. Q.Qomes, 90+5 – qırmızı (ikinci sarı).
Hakim: Dario Errera (Argentina).
27 yanvar. Asunsyon.

Kolumbiya – Peru və Venesuela – Boliviya oyunları gec başa çatıb.

1. Braziliya 14 11 3 0 28-5 36
2. Argentina 14 9 5 0 22-7 32
3. Ekvador 15 7 3 5 24-14 24
4. Uruqvay 15 5 4 6 15-21 19
5. Kolumbiya 14 3 8 3 16-17 17
6. Peru 14 5 2 7 15-20 17
7. Çili 15 4 4 7 16-18 16
8. Boliviya 14 4 3 7 20-28 15
9. Paraqvay 15 2 7 6 9-19 13
10. Venesuela 14 2 1 11 9-25 7
Bombardirlər: Moreno Martins (Boliviya) – 9, Neymar (Braziliya) - 7, Messi (Argentina) - 6.
***
Şimali və Mərkəzi Amerika
Final mərhələsi, 9-cu tur
ABŞ - Salvador 1:0
Robinson, 52.
Yamayka - Meksika 1:2
Conson, 50 – Martin, 81. Veqa, 83.
Honduras - Kanada 0:2
Maldonado, 10-öz qapısına. Devid, 73.
Kosta Rika - Panama 1:0
Ruis, 65.

1. Kanada 9 5 4 0 15-5 19
2. ABŞ 9 5 3 1 13-5 18
3. Meksika 9 5 2 2 13-8 17
4. Panama 9 4 2 3 11-10 14
5. Kosta Rika 9 3 3 3 7-7 12
6. Yamayka 9 1 4 4 7-12 7
7. Salvador 9 1 3 5 4-11 6
8. Honduras 9 0 3 6 5-17 3
Bombardir: Larin (Kanada) - 4.

Asiya
3-cü mərhələ, 7-ci tur
A qrupu
İran - İraq 1:0
Taremi, 48.
İran yığması qrup mərhələsinin sonuna 3 tur qalmış azı 2-ci yeri özünə təmin etməklə dünya çempionatına vəsiqə qazandı.
Livan - Koreya 0:1
Ço Qu Sun, 45+1.
BƏƏ - Suriya 2:0
Kanedo, 43. Əl-Qassani, 70.

1. İran 7 6 1 0 12-2 19
2. Koreya 7 5 2 0 9-2 17
3. BƏƏ 7 2 3 2 6-5 9
4. Livan 7 1 2 4 4-7 5
5. İraq 7 0 4 3 3-10 4
6. Suriya 7 0 2 5 5-13 2

B qrupu
Səudiyyə Ərəbistanı - Oman 1:0
Əl-Brikan, 48.
Yaponiya - Çin 2:0
Osako, 13-p. İto, 61.
Avstraliya - Vyetnam 4:0
Maklaren, 30. Roqiç, 45+2. Qudvin, 72. Makqri, 76.

1. Səudiyyə Ərəbistanı 7 6 1 0 10-3 19
2. Yaponiya 7 5 0 2 7-3 15
3. Avstraliya 7 4 2 1 13-4 14
4. Oman 7 2 1 4 6-8 7
5. Çin 7 1 2 4 7-13 5
6. Vyetnam 7 0 0 7 4-16 0
Bombardir: Vu (Çin) – 4.