ÇSKA ilə Paraqvay Futbol Federasiyası (PFF) arasında qalmaqal yaranıb.

"Football-plus.az" saytının məlumatına görə, buna Rusiya klubunun Xesus Medinanı yığmanın düşərgəsinə buraxmaması səbəb olub. PFF rəhbərliyi buna görə ÇSKA-dan FİFA-ya şikayət edib. Paraqvay millisi yanvarın 28-də DÇ-2022-nin seçmə mərhələsinin oyununda Uruqvay, fevralın 2-də isə Braziliya ilə qarşılaşacaq.

Qeyd edək ki, FİFA-nın qaydalarına görə, klublar rəsmi matçlar və bu qurumun bayrağı altında keçirilən yoxlama oyunları ərəfəsində oyunçularını milli komandalara buraxmağa borcludular. ÇSKA-nın yaydığı bəyanatda PFF-nin futbolçunu yığmaya FİFA-nın müəyyən etdiyi vaxtdan gec çağırdığı bildirilir. Moskva klubu eyni zamanda Medinaya tibbi məhdudiyyət tətbiq olunduğunu və bu səbəbdən ilk yoldaşlıq oyununda iştirak etmədiyini əsas gətirib.