Portuqaliya Qran-prisində iştirak edəcək heyət üzvləri bəlli olub.

"Football-plus.az"saytının məlumatına görə, turnirdə iştirak etmək üçün bu ölkənin Almada şəhərinə yollanan milli heyətinin bəzi üzvlərində PCR testin nəticələri pozitiv olduğu üçün onlar yarışlara buraxılmayıblar. İkinci dəfə götürülən testdən sonra nəticələri neqativ olan aşağıdakı idmançılar sabah başlayan yarışda ölkəmizi təmsil edəcəklər:

60 kq

Balabəy Ağayev
Rövşən Əliyev

100 kq

Adil Kərimli

+100 kq

Uşanqi Kokauri
İmran Yusifov

Aşağıdakı heyət üzvləri qeyd edilən səbəblərdən yarışda iştirak edə bilməyəcəklər:

Yaşar Nəcəfov (66 kq) - Bakıda 24 yanvarda verilən testin nəticəsi neqativ olub, lakin texniki səbəbdən Portuqaliyaya göndərilməyib

Nəriman Mirzəyev (73 kq) - Bakıda 24 yanvarda verilən testin nəticəsi pozitiv olduğu üçün Portuqaliyaya göndərilməyib

Zaməddin Poladov (73 kq) - Bakıda 24 yanvarda verilən testin nəticəsi neqativ olub, lakin texniki səbəbdən Portuqaliyaya göndərilməyib

Zelim Tçkayev (81 kq) - Bakıda 24 yanvarda verilən testin nəticəsi neqativ olub, Portuqaliyada ilk test neqativ, ikinci test pozitiv olduğu üçün yarışa buraxılmayıb

Rüfət İsmayılov (90 kq) - Bakıda 24 yanvarda verilən testin nəticəsi neqativ olub, lakin texniki səbəbdən Portuqaliyaya göndərilməyib

Aydan Vəliyeva (48 kq) - 21 və 24 yanvarda verilən testlərin nəticəsi neqativ olub, Portuqaliyada ilk test pozitiv olduğu üçün yarışa buraxılmayıb.

Şəfəq Həmidova (52 kq) - 21 və 24 yanvarda verilən testlərin nəticəsi neqativ olub, Portuqaliyada ilk test pozitiv olduğu üçün yarışa buraxılmayıb.

Səbinə Əliyeva (52 kq) - 21 və 24 yanvarda verilən testlərin nəticəsi neqativ olub, Portuqaliyada ilk test pozitiv olduğu üçün yarışa buraxılmayıb.

Bundan başqa, qadınlardan ibarət milli yığmanın baş məşqçisi Rəşad Məmmədov və kişilərdən ibarət milli yığmanın böyük məşqçisi Elçin İsmayılovda da PCR testin nəticəsi pozitiv olduğu üçün yarışa buraxılmayıblar.


Kişilər

60 kq

1/16 final. Balabəy Ağayev - Bahrom Boturov (Özbəkistan)

1/16 final. Rövşən Əliyev - Allan Kuvabara (Braziliya)

100 kq

1/8 final. Adil Kərimli - Stanislav Bançuk (İsrail)

+100 kq

1/8 final. İmran Yusifov - Kristian Konoval (ABŞ)

1/8 final. Uşanqi Kokauri - Klemen Musumadi (Konqo)

Qeyd edək ki, Qran-pridə 41 ölkədən 301 idmançı qüvvəsini sınayacaq.