"İstanbul BŞ" Mahir Emrelini heyətinə qatmaq üçün fəaliyyətini davam etdirir.

Türkiyə klubunun futbolçuya “Legiya” ilə problemlərini həll etməsini tapşırdığını yazmışdıq.

“Ağ-göylər” indi Varşava təmsilçisinin rəhbərliyi ilə danışıqlara başlayıb. “Legiya” öncə Mahir üçün 3 milyon avro tələb etsə də, tədricən bu məbləğ 1,5 milyon avroya qədər düşüb.

Redaksiyamıza daxil olan son məlumata görə, İstanbul təmsilçisinin rəsmiləri “Qarabağ”ın rəhbərliyi ilə əlaqə saxlayaraq milli üzvünün potensialı haqda maraqlanıblar və onun xidmətində maraqlı olduqlarını deyiblər. “Köhlən atlar”ın nümayəndəsi Emreli ilə heç bir əlaqələrinin olmadığını, ancaq oyunçunun kluba xeyir verə biləcəyini söyləyiblər.

SƏNƏM FƏRHADOVA