Fransa çempionatında 22-ci turun oyunları keçirilib.

"Football-plus.az" saytının məlumatına görə, Konfrans Liqasının pley-off mərhələsində "Qarabağ"ın rəqibi olan "Marsel" səfərdə "Lans"la üz-üzə gəlib və matşdan 2:0 hesablı qələbə ilə ayrılıb.

Görüşün qolları 34-cü dəqiqədə penaltidən Dimitri Paye və 77 -ci dəqiqədə yeni transfer Sedrik Bakambu tərəfindən vurulub.

Bununla da xalını 40-a çatdıran "Marsel" ikinci pilləyə yüksəlib. Komandanın ehtiyatda bir oyunu var.

Qeyd edək ki, "Qarabağ" "Marsel"lə ilk matçını fevralın 17-də səfərdə, cavab görüşünü fevralın 24-də evdə keçirəcək.