Federiko Kyezanın əməliyyatı təxirə salınıb.

Cərrahi müdaxilə çərşənbə gününə təyin olunmuşdu. Lakin “Yuventus”un oyunçusunun səhhətində problem yaranıb. Hərarəti yüksəldiyi üçün həkimlər əməliyyatı bir neçə günlüyə ertələməli olublar. 24 yaşlı yarımmüdafiəçidən götürülən COVID-19 testi mənfi nəticələnib.

Xatırladaq ki, Federiko A seriyasının “Roma” ilə yanvarın 9-da keçirilən səfər oyununda (4:3) zədələnmişdi. Dizinin xaçşəkilli bağları qırılan futbolçu üçün mövsüm erkən başa çatıb. Onun əməliyyatdan sonra 6 ay topa toxuna bilməyəcəyi xəbər verilmişdi.