Canlı futbol əfsanəsi ilə bağlı növbəti xəbər yayılıb: Pele yenidən xəstəxanaya gətirilib.

Xatırladaq ki, futbol veteranı ötən ilin sentyabr ayı boyunca San Pauludakı “Albert Eynşteyn” klinikasında müalicə almışdı. Avqustun 30-da bura müayinələr üçün gələn Braziliya yığmasının sabiq hücumçusunun yoğun bağırsağında şiş aşkarlanmış və sentyabrın 4-də cərrahi müdaxilə qaçılmaz olmuşdu. Oktyabrın 23-də 81 yaşı tamam olan Pelenin səhhətində əməliyyatdan sonra yaxşılaşma və ağırlaşma halları qeydə alınmışdı.
Onun əməliyyatdan sonra kimya-terapiya kursu keçəcəyi daha əvvəl bildirilmişdi. Pele yoğun bağırsağındakı problemə görə dekabrın 8-də yenidən klinikaya gətirilmişdi.

Canlı əfsanənin xəstəxanaya son səfəri də kimya-terapiya kursu keçməsi ilə bağlıdı. Klinikanın yaydığı məlumatda onun səhhətinin sabit olduğu və evə buraxıldığı bildirilir.