''Həmişə olduğu kimi son illərdə də böyük idman turnirləri ictimaiyyətin və mətbuatın xüsusi diqqət mərkəzində olub. Bizim keçirəcəyimiz turnir də istisna olmayacaq. Bütün dünyanın marağının ölkəmizə yönəlməsindən istifadə edərək Yaxın Şərq, Qətər və ərəb dünyası ilə bağlı həqiqətləri ictimaiyyətə çatdırmaq istəyirik. Çünki bu zona ilə bağlı dünyada müxtəlif fikirlər formalaşıb və bunların da çoxu yanlışdı. Rusiya da DÇ-2018-in startından öncə böyük təzyiqlə üz-üzə qalmışdı. Amma turnirin startından sonra bütün şübhələr ortadan qalxdı. İnsanlar gəlib hər şeyi öz gözləri ilə gördülər və ölkə ilə bağlı fikirləri dəyişdi. Ümid edirik ki, bizim ölkəmizlə bağlı da eyni vəziyyət təkrarlanacaq. Kantonanın Qətərin futbol ölkəsi olmaması ilə bağlı sözlərinə gəlincə, o yanılır. Həm Qətərdə, həm də regiondakı digər ölkələrdə futbol bir nömrəli idman növü sayılır. Qətər son Asiya Kubokunun qalibidi. Ötən ilin sonlarına yaxın ölkəmizdə keçirilən Ərəb ölkələri kubokundakı oyunlar göstərdi ki, insanlar futbolu dəlicəsinə sevir. Hər oyunda stadionda boş yer olmurdu və gözəl ab-hava oyunlardan sonra da davam edirdi. Amma dediyim kimi bütün şübhələrə son qoymaq üçün ən yaxşı vasitə gəlib hər şeyi öz gözlərinlə görməkdi. Kantona başda olmaqla DÇ-2022-yə şübhə ilə yanaşın hər kəsi Qətərdə görməyimizə şad olardıq''.