"Bavariya"nın futbolçusu Robert Levandovski klubu tərk edə bilər.

"Football-plus.az" saytının məlumatına görə, bu haqda Almaniyanın nüfuzlu "Bild" nəşri xəbər yayıb. Mənbədə Münhen təmsilçisinin polşalı ulduz ilə yeni müqavilə ilə bağlı razılığa gəlməsə, yayda onu satmağı planlaşdıracağı qeyd edilib.

33 yaşlı oyunçunun "Bavariya" ilə hazırkı müqaviləsi 2023-cü ilin yayına kimi nəzərdə tutulub.

Qeyd edə ki, Levandovski bu mövsüm Bundesliqada 19 matçda 23 qol vurub və 1 qolun ötürməsini verib.