“Lill”də əsas heyətə düşə bilməyən türkiyəli yarımmüdafiəçi Yusuf Yazıcı ÇSKA-ya icarə verilib. Moskva klubunun “instaqram” hesabında yer alan videoçarx dünən bir anda Rusiyanı qarışdırıb. İş ondadı ki, həmin çarxda Yusufu ÇSKA-da oynamağa dəvət edirlər. O isə yazışma zamanı yalnız ingiliscə yazılan “Yusuf, Rusiyadanıq, bizdə Nataşa çoxdu” ifadəsindən sonra cavab verir. Klub bu qalmaqallı videoçarxı sonradan silsə də, ölkədə ciddi narazılıq yaranıb. Dövlət Dumasının deputatı Svetlana Jurova isə narazılara belə cavab verib: “Bu zarafatı Rusiya qadınları üçün təhqir saymıran, hesab etmirəm ki, onların küsməsinə əsas var. Əksər rus qızlarını Türkiyədə Nataşa adlandırırlar. Bu artıq ənənəyə çevrilib, əsasən də orda özlərinə belə obraz yaradan rus qızlar üzündən. Hətta rus qızları yox, ukraynalı qızları da. İstənilən rusiyalı qız ora getsə, belə çağıracaqlar. Orda mənə də Nataşa deyiblər, qorxulu heç nə yoxdu. ÇSKA uğurlu aksiya keçirib, indi çoxları bu komandanın debütantını tanıyır, təkcə azarkeşlər yox, heç futbola dəxli olmayan adamlar da”.