Yarımmüdafiəçi Ensli Meytlend-Naylzı mövsümün sonuna kimi “Roma”ya icarəyə verən “Arsenal”ı daha iki futbolçu tərk edib.

Folarin Baloqun eyni status ilə “Midlsbro”da çıxış edəcək. 20 yaşlı ingilis hücumçu paytaxt klubuna yayda geri qayıtmalıdı.

Pablo Mari də “Arsenal”ı müvəqqəti tərk edib. İngiltərə klubu oyunçusunu İtaliyaya yollayıb. Londonluların sıralarında 2020-ci ildən çıxış edən ispaniyalı müdafiəçi “Udineze”yə icarəyə verilib. 28 yaşlı Pablonun udinelilərlə bağladığı müqavilənin müddəti mövsümün sonunadək nəzərdə tutulub. İtaliya klubunun bu mövsüm premyer-liqada “Arsenal”ın yalnız 2 oyununda meydana çıxan futbolçunu birdəfəlik almaq hüququ yoxdu.